Fasin Blong Kiaman Long ol Man mo karem Money Hemi stap Kam Antap plante

Vanuatu Police force hemi kamaot bakeken blo kivim samfala toktok blong helpem yumi. Toksave hemi ko long every citizens blong nation ia blong aware long ol conman we oli stap ko around long ol Communities, areas mo islands blong yumi blong stap kiaman long ol man blong karem ol samting. Ol Conman oli ol man we oli stap ko around mo kiaman blong karem money long ol man. Toksave ia hemi kamaot afta we I lukim I gat plante Conman tumas tedei. Long Friday 6th July 2018 I gat wan incident we I happen bakeken long Port Vila we wan Yangfala we hemi half North Efate / Paama hemi stap ko around long ol yards mo askem blong ol man kivim money long hem. Yangfala boy ia hemi gat samfala background finis wetem polis mo polis hemi askem blong yumi save se bae I gat samfala man olsem, oli ko around mo kiaman long ol man blong karem money

PIMS I RECORDEM SE AGE GROUP 17-24 NAO I COMMITIM PLANTE OFFENCES TUDEI.

Vanuatu Police Force hemi stap deal wetem plante issues we oli stap affectem yumi tudei . Plante long ol issues ia I stap affectem ol families , communities, mo country blong yumi. Police Information Management System ( PIMS) hemi recordem ol different age groups mo ol offences we I stap happen tudei. Ol age groups we oli stap commitim ol crimes long Vanuatu I range long 12-16 years, 17-20years, 21-24 years, mo 25 – 28 years. PIMS I recordem se age grup blong 17 – 24 years nao hemi stap causem plante crime tudei. Wetem ol different age grups ia, ol offences we oli commitim hemi, Fasin blong Killim man , fasin blong steal , fasin blong usum ol nogud language blong spoliem wan man, Fasin blong damagem ol property, fasin blong mekem ol nogud fasin inside long home mo ol narafala pikinini , woman mo man, fasin blong tekem ol substance we I save mekem man I save drong . Wetem report we Polis Information Management System ( PIMS) hemi kivim I showem se yumi ol parents inside long ol homes mo ol leaders blong wan wan community I mas tekem up responsibility ia blong toktok plante wetem ol yangfala or ol pikinini blong yufala. Yumi stap kam kolosap long wan important event we hemi , Independence Day blong Vanuatu, mo bae I gat plante activity we bae I happen mo bae ol yangfala blong yumi long age group blong 17- 24 years bae oli tekem time ia blong stap mekem o commitim ol offences . Polis I stap tekem time ia blong toksave I kam long yumi everywan blong joinem hands blong helpem ol different age group we yumi stap long hem blong yumi reducem ol nogud fasin we I stap happen tudei.

Sudden Dead ( Polis Awareness)

Polis I bin attendem wan sudden dead long Monday 16th July 2018 long 9:55 am long area blong stade .

Taem Polis hemi attendem scene , hemi finemaot se body ia hemi stap long position ia blong 24 hours finis.Polis hemi finemaot se I gat sam mark long body blong hem.Ol witness oli bin spotem hem we hemi drong nogud long area blong George Pompidou long Saturday morning around 7-8am .Dead body ia I stap yet long Motuary mo case hemi stap under long investigation.

Follem ol information ia , polis hemi kamaot bakeken blong warnem yumi

Se Safety blong wan wan man hemi very important blong yumi wan wan I mas tekem olsem wan responsibility mo priority blong stap safe oltaem.Time yu drink yu mas tekem plante care.

Long semak time , Polis hemi stap mekem wan appeal I ko long general public se sapoz yu bin meetim wan man long weekend long area blong George Pompidou , I gud blong yu kam forward long Polis mo kivim information . Information we bae yu kivim bae hemi helpful tumas

37 SENIOR OFFICERS LONG PORT VILA OLI PROMOTE

DSC05021I gat wan total blong 48 senior officers every wan we Police Service Commision hemi bin endorsem name blong olgeta through long Recommendation we police Commisioner hemi mekem.

Long Last Friday I gat 37 senoir officers everywan we oli promote mo narafala 11 senoir officers hemi blong ol Police stations long ol narafala aeland we bae oli promote long ol narafala time we I stap kam yet.

Promotion we I happen long last Friday , I tekem place long VMF Camp mo Commisioner blong Police Nao hemi promotem ol officers ia.

Ol senior officers , oli ol officers we ol rank blong olgeta I start long Senior Sergeant I ko Kasem wan superintendent.

Long time blong ceremony ia , Police Commissioner hemi kivim aot plante gudfala toktok.

Police non-emergency:

Port Vila 22 222

Santo 36 222

Contact Us