Family Protection Unit (FPU) long Vanuatu Polis Force hemi recordem wan increase long ol Domestic Violence issues ova long last weekend.
Long record blong FPU I lukim se I gat 3 rape cases mo 2 sexual harassment we Driver I mekem long 2 pikinini we I gat 10 mo 13 yias.1 long ol Rape case ia , suspect hemi stap remand naoia long correctional centre mo 2 narafala rape mo sexual harassment cases I stap long further investigation blong Polis.
Polis hemi kamaot bakeken blong warnem yumi ol citizen blong mas tekem plante care time yumi stap wokabaot.Toksave I ko long yumi every wan , especially ol mama mo ol gel blong time yumi stap hope I ko inside long any bus I more safe blong yumi mas karem plate or registration number mo colour blong bus.Ol yangfala gel bifo yu stap aot long haos I mo safe blong yu letem parents blong yu save ples we yu stap ko long hem.
Ol Drivers blong ol vehicle , fasin blong harashem wan passengers inside long truck blong yu hemi againsem law mo yufala ol driver yufala I playem wan important role blong servicem ol pipol I no blong harasem olgeta .
Ol kind fasin nogud olsem oli stap kam antap plante mo yumi mas tinkabaot safety blong yumi oltaem.
