Yu wantem mekem wan komplen abaot fasin we wan memba blong Vanuatu Polis Fos I bin tritim yu? Yu wantm ripotem wan alegesen blong kruket fasin we wan Vanuatu Polis Ofisa I mekem taem hemi stap o no stap long diuti?
Olsem wan sitisen blong Vanuatu yu gat raet blong ekspektem ol member blong Vanuatu Polis Fos blong soemaot hae standed blong integriti mo morol valiu taem hemi stap long diuti o no stap long diuti. Yu gat raet blong polis I tritim yu wetem rispek mo dignity long eni situeisen. Ino mata sipos yum mekem komplen, oli arestem yu, yu wan witness blong investigeisen we polis is stap mekem o polis i toktok long yu long rod.
Naoia Profesenol Standed Yunit I mekem intestigeisen long kruket o rabis fasin blong ol memba blong Vanuatu Polis Fos. Profesenol Standed Yunit hemi wan spesel grup blong ol Polis Ofisa we oli ripot daerek I go long Komisina long ol isiu blong disaplin mo kruket fasin we ol memba blong Polis Fos i mekem.
Sipos yu wantem mekem wan komplen long wan fasin o wok blong polis yu save mekem komplen blong yu:
- I go stret long Profesenol Standed Yunit we i stap long Polis Kolej klosap long Indipendens Pak
- Kontaktem Profesenol Standed Yunit tru long telefon long 23351 o 7793376
- Imel I go long Profesenol Standed Yunit long
This email address is being protected from spambots. You need JavaScript enabled to view it. - Raet I go long Komisina blong Polis long Vansec Haos
Bambae Profesenol Standaed Yunit I givim long yu wan komplen fael namba blong pesenol rikod blong yu blong mekem se yu save stap jekem long progress mo risal blong komplen blong yu. Taem yu gat wan komplen fael namba I minim se Profesenol Standed Yunit hemi rikodem komplen blong yum mo bambae oli intestigeitem isiu ia.