Drugs Unit long Port Vila Polis station I bin arrestem 7 suspects long area blong Teouma Avocka mo Epal area long Half road blong Erakor .
Arrest ia I tekem ples long 11 dei blong manis ia October long tufala area ia afta we wan team blong ol polis officer long drugs unit, Tactical Response Group mo VMF I bin join tugeta blong karemaot operation ia .
Long time blong operation ia , oli bin harvestem 68 marijuana plants , arrestem ol suspects from oli stap long possession mo planem Marijuana mo conductem search long Black sand area .
Long area blong Teouma Avocka , Polis I bin arrestem 5 suspects mo 2 I ronwe mo long area blong Epal , Half Road Erakor , polis I arrestem 2 suspects .
Court hemi bailem ol suspects ia mo bae oli pass long court long namba 29 blong manis ia .
Invetsigation blong Polis hemi stap koko hed yet