Polis long Port Vila I bin involve long wan operation we oli kolem , Operation Black Ice.Operation ia hemi tekem ples long 18 kasem 20 October 2018 long ol different areas long Port Vila .
Operation Black Ice hemi focus plante long Marijuana mo I lukim I gat ol different police activity I happen long time ia blong wok wetem ol case blong Marijuana .
Ol activities ia I involvem Search Warrant , beat Patrol , Mobile Patrol, Awareness mo arrest we ol Police officer oli mekem .
Polis I bin conductem search long 16 areas mo 1 shipping vessel long Port Vila , we I lukim wan total blong 29 search we polis I conductem .
Long narafala activity , ol police I attendem 3 areas olsem , Empty house long Bahai street , Empty House long karri shopping , mo Fresh wota 6 hill mo serachem 36 man mo arrestem 5 man follem ol charges blong Marijuana.
Long search we polis I mekem long Empty house long bahai street I lukim 21 male students blong Lycee school we polis I searchem mo cautionem olgeta mo 8 oli charged from oli stap long possession blong marijuana mo lukluk ol phonogrphy pictures.
Long semak fasin , polis I searchem 8 yangafala long empty house long kari shopping mo arrestem 5 long Fresh wota hill from oli stap long possession blong marijuana.
Long every area we polis I mekem wok long hem , I gat awareness we oli conductem long side blong use , dangerous effect mo law blong marijuana .
Long operation ia , polis I arrestem 35 man mo oli bail nao mo bae oli pass long court long 5th December 2018 .
Long semak storian , polis I harvetsem 101 plants blong marijuana long 5 different areas mo destroyem 3 hot spots we hemi Ohlen , Fresh wota mo Teuoma we yu save finem plante yangafala oli stap ko long ol place ia blong karem marijuana .