logo
Vanuatu Police Force

Afta long handing ova blong Instrument mo sword blong Polis Commissioner, I bin gat ol very important step we Niufala Commissioner hemi tekem blong toktok long trifala paramount priorities we hemi olsem wan duty we hemi mas mekem.

Long last wik, Polis commissioner hemi involve long plante activities olsem wan first start long office we hemi lukaotem.

I gat five important activities we hemi tekem I paramount blong hemi mas involve long hem.

Firstly, hemi first eva executive meeting we hemi chairem. Olsem Niufala Commissioner blong Polis, hemi displayem wan very important role blong toktok long ol executive members blong hem. Ol executive members ia oli kamaot long trifala elements mo acknowledgem tu ACP north wei hemi first taem blo attendem executive miting blo hem.

Long-time blong first sitaon tugeta ia, hemi outlinem ol important priorities olsem, unity, Discipline mo confidence we hemi wantem blong every Commanders I mas wok tugeta blong VPF hemi achievem.

Hemi askem loyalty mo support blong wan wan commander blong I mas stap oltaem long high ofis ia blong servem pipol blong nation ia.

Long semak time ia hemi informem ol commanders blong hem long visit we bae hemi mekem.

Long Tuesday 23rd mo Friday 26th May 2017 hemi wan very challenging mo rewarding time, we Commissioner hemi tekem blong visitim ol trifala elements long Port Vila mo Luganville.

Visit we hemi mekem , hemi markem wan narafala history afta we VPF hemi gat ol Acting Commissioners nomo kasem time we President blong Republic hemi appointem hem blong karem position olsem wan Niufala Commissioner blong Polis.

Visit ia hemi start long Vila we I lukim hemi visitim every units inside long VPF mo long narafala time hemi visitim Luganville.

Long-time blong ol visits ia, wan wan unit I appreciatem mo Honourem tumas we Commissioner hemi save kam daon blong luk wanem nao hemi ol challenges we oli stap facem long wok Fos ia .

Commissioner hemi tekem olsem wan priority blong karem ol tinktink I ko bak long narafala executive meeting blong oli discusem wan best solution blong save helpem mo providem wan best service long ol pipol blong Vanuatu.

Commissioner hemi continue blong askem ol officers blong oltaem wok wetem bride olsem ol polis man mo semtaem showem loyalty long high ofis blong hem blong servicem ol pipol blong Vanuatu.

Visit blong hem long Port Vila I kam long wan end oltaem long Police Maritime wing taem hemi involve long narafala event blong appreciatem samfala members blong VPF we oli resigned mo retired.

I gat 20 VPF officers everyone we Polis Commissioner hemi appreciatem wok mo service we oli kivim long ol pipol blong Vanuatu long time we oli stap serve olsem ol polis officers.

17 long ol officers ia VPF hemi retirem olgeta mo 3 long olgeta we oli ol subordinate officers oli resign long VPF.

Polis Commissioner hemi mekem wan remarkable speech blong talem tankiu mo hemi appreciatem tumas ol wok we oli stap mekem.

Inside long grup blong ol retirees ia gat olgeta ol officers we oli bin servem Nation ia start long 1980 kasem 2017 we oli retired. I minim se oli servem nation ia blong 37 yias. Highest Rank we hemi retired hemi long rank blong wan Major or Superindetent.

“Hemi kivim wan bigfala space inside long VPF time hemi retirem wan bigfala number olsem.”hemi toktok blong Commissioner.

Hemi continue blong emphasise long working relationship blong ol retirees ia wetem ol member blong VPF.

Long response blong ol retirees ia , Mr Kelson Bule we hemi retired long wan rank blong superintendent nao hemi kivim toktok blong tokabaot taem we oli stap serve long VPF, wanem challenge nao oli facem mo way

forward blong VPF I save mekem blong success wetem ol service blong servem nation ia .

Long 24th May, Polis Commissioner Tugeta wetem Acting Commander VMF I witnessim Humanitarian exercise we I tekem ples long Paunangisu Village long North Efate.

Exercise ia hemi wan scenario we ol VMF officers we oli involve long hem oli putum aot wanem nao oli bin learnem long theory olsem wanem approach nao bae oli save tekem bifo mo afta long Disaster mo how blong wok wetem ol community .

Long 26th May, Visit long Luganville hemi continue mo Commissioner hemi appreciatem tumus ACP north lo ol solutions we oli kivim blong solvem ol issues we oli facem. Hemi continue blong askem Loyalty ol taem long office blong Commissioner.

Ol visits mo important activities we Polis Commissioner hemi bin mekem mo witnessim hemi rewarding blong movem VPF I ko forward.

You cannot report crime or any other emergency through this site.   In an emergency please call...